Get the Flash Player to see this player.
 
Alternative Players:
News
« 1 2 3 4 5 6 7 8 9 10 11 ... »
प्राधिकरणले लोडसेडिङ बढायो (नयाँ तालिकासहित)
काठमाडौं, २९ मंसिर – नेपाल विद्युत प्राधिकरणले पुस २ गतेदेखि लोडसेडिङ बढाउने भएको छ । हिउँद लागेसँगै खोला तथा नदीमा पानीको वहाव घटेर विद्युत उत्पादन कम भएपछि लाडसेडिङको अवधि दैनिक १० घण्टासम्म पुर्‍याउन लागेको हो । प्रणालीमा लोड अत्याधिक बढेको र पहिरोका कारण क्षतिग्रस्त आयोजना अझै मर्मत सम्भार हुन नसकेकाले लोडसेडिङ बढाउनुपरेको प्राधिकरणले जनाएको छ । यसअघि हप्तामा ८ घण्टासम्म रहेको लोडसेडिङ बढाएर १० घण्टासम्म पुर्‍याइएको छ ।
दक्षिण अफ्रिकी सुन्दरी रोलिनी स्ट्रस बनिन् विश्वसुन्दरी
काठमाडौं, २९ मंसिर – यसवर्षको विश्व सुन्दरीको उपाधि दक्षिण अफ्रिकी सुन्दरी रोलेन स्ट्रसले जितेकी छन् । आइतबार राती लण्डनमा भएको फाइनल प्रतियोगितामा २२ वर्षिय सुन्दुरीले १ सय २१ देशका सुन्दरीलाई पछि पार्दै ६४ औं संस्करणको उपाधि जितेकी हुन् । त्यस्तै हंगेरीकी इडिना कुल्सार रनर अप भएकी छन् भने संयुक्त राज्य अमेरिकाकी एलिजाबेथ सफ्रित तेश्रो भइन् । चिकित्साविज्ञान चौथो वर्षकी विद्यार्थी स्ट्रस डाक्टर बाबु र नर्स आमाकी छोरी हुन् । ‘मैले सोच्न सकिरहेको छैन, यो के भइरहेको छ’ ताज पहिरिएपछि उनले भनिन् ‘ यो ठूलो जिम्मेवारी हो ।’ प्रतियोगितामा मिस नेपाल सुविन लिम्बुले पनि भाग लिएकी थिइन् ।
काठमाडौं, मंसिर २९ - इंग्लीस क्लव म्यानचेष्टर युनाइटेडका पूर्व खेलाडीसमेत रहनु भएका २९ वर्षका रोनाल्डो वर्षका उत्कृष्ट खेलाडीले पाउने बालोन डी ओरको अन्तीम ३ मा छानिनु भएकाृ थियो । ‘मेरा इंग्ल्याण्डका पुराना समर्थकका लागि मलाई चयन गरेकोमा धन्यवाद बिबिसीलाई’ उहाँले अवार्ड हात पारेपछि भन्नु भएको छ । म्यानचेष्टर युनाइटेडबाट स्पेनिस क्लव रियल म्याड्रिड जानु भएका उहााले रियलका लागि २ सय ६७ खेलमा २ सय ८१ गोल गर्नु भएको छ । सन् २००२ मा ब्राजिलको रोनाल्डोपछि बिबिसी ओभरसिज स्पोर्टस पर्सनालिटी अवार्ड जित्ने क्रिस्टीयानो रोनाल्डो पहिलो फुटबलर हुनुहुन्छ् । सन् २०१३ मा जर्मनीका फर्मुला वान ड्राइभर सेबेस्टीयन भेट्टेले, २०१२ मा जमैकाका धावक उसेन बोल्टले तथा सन् २०११ मा सबिर्याका टेनिस स्टार नोभाक जोकोभिचले यो अवार्ड जित्नु भएको थियो ।
काठमाडौं, मंसिर २९ -केहि दिन देखि आएको मौसमी परिवतर्नका कारण उपत्यका लगायत मुलुकको विभिन्न स्थानमा भएको भारी वर्षा ताथ उच्च हिमाली भेगमा पेरको हिमपातले चिसो बढाए संगै मुलुकभरको जनजिवन कष्टकर बनेको छ । केहि दिन देखि निरन्तर चिसो बढे पछि जनजिवन कष्टकर बनेको हो । उपत्यका लगायत मध्य पहाडि भेगमा आज पनि वर्ष हुने छ भने उच्च हिमाली भेगमा हिमपात जारी रहने जलवायु तथा मौसम पुर्वअनुमान माहासाखाले जनाएको छ । त्यसैगरी तराईमा वर्ष संगै आएको सित लहर पनि केहि दिन सम्म जारी रहने भएको छ । मध्य तथा पुर्वि नेपालमा आज दिउँसो घाम संगै हल्का वर्ष तथा राति केहि घन्टा पानि पर्ने माहासाखाले जनाइएको छ । भोली पनि उपत्यका लगातका स्थानहरुमा आकास बादलले ढाक्ने र मेघगर्जन सहितको वर्षा हुने अनुमान रहेको छ । उत्तरबाट आएको पश्चिमी वायुमा दक्षिण तर्फबाट राजस्थानमा बनेको निम्न चापिए क्षेत्रले तानेको अरब सागरको ओसिलो हावा मिसीए पछि नेपालको मौसममा प्रतिकुल प्रभाब परेको हो
बेलायती सेनाको उच्च पदमा लेफ्टीनेन्ट कोर्सबिनै पुगे नेपाली
फडिन्द्र भट्टराई मङ्सिर २८, लण्डन-पहिलो पल्ट एक जना नेपाली लेफ्टीनेन्ट कोर्सबिनै बेलायती सेनाको उच्च पदमा पुगेका छन्। नेपालको गुल्मी घर भएका यमबहादुर राना बेलायती सेनाको उच्च पद लेफ्टीनेन्ट कर्णेलमा पुगेका हुन्। प्रकृयागत पदोन्नति मार्फत बेलायति सेनाको उच्च पदस्थ अधिकृत लेफ्टिनेन्ट कर्णेलमा बढुवा भएका हुन्। ब्रिटिश आर्मीको बढुवा समितिले यही साता उनलाई पदोन्नति गर्ने निर्णय गरेको हो। हालसम्म यो पदमा अरु दुई जना नेपाली पुगी सकेको भए पनि सेकेन्ड लेफ्टिनेन्टको कोर्स बिनै यो पदमा पुग्ने उनी पहिलो नेपाली हुन्। बेलायती सेनाको ब्रिगेड अफ गोर्खाजको मुख्यालयमा काम गरीरहेका रानाको मातहतमा अब एउटा छुट्टै बटालियन रहने छ। सेनाको सिपाहीबाट ब्रिटिश आर्मीको यो तहसम्म पुगेर उनले बेलायती गोर्खालीमाझ इतिहास रचेका छन्। प्रतिस्पर्धामा थुप्रै गोराहरुलाई पछाडि पार्दै उच्च पदस्थ बनेका रानाले कठोर परिश्रम र दृढता नै सफलताको कारक बताएका छन्। गुल्मीको लिम्घाबाटै प्राथमिक शिक्षा लिएका रानाको बुवा र हजुरबुवा पनि लाहुरे पृष्ठभूमिमै थिए। चिकित्सक बन्ने सोचले काठमान्डौंको महाराजगंजमा मेडिकल कलेज पढ्दा पढ्दै परिवारको दवाबमा उनी बेलायती सेनामा भर्ती भएका थिए। रानाले सेवा अवधिमै बेलायतको बोर्न माउथ युनिभर्सिटीबाट बिएससी अनर्स र मास्टर्स गरेका थिए। उनको यो अध्ययनको निरन्तरताले पनि यहाँसम्म पुग्न मद्दत गरेको उनको बुझाई छ। बेलायती सेनामा कार्यरत गोर्खाली सैनिकहरुलाई पक्षपातपूर्ण व्यवहार हुने आरोपका बीच रानाको उच्च तहमा भएको पदोन्नतिले सेवामा रहेका भावी पुस्तालाई समेत सम्भावनाको ढोका खोलीदिएको छ। सन् १८१४को नेपाल(अंग्रेज युद्दमा नेपाललाई कब्जा गर्न नसकेपछि बहादुर गोर्खाली सैन्यलाई आफ्नो टुकडीमा भर्ती गर्ने अंग्रेजको नीतिअनुरुप सुरु भएको गोर्खा भर्तीले दुई शताब्दी पूरा गरीसकेको छ। पूर्वी नेपालका राई लिम्बु तथा मध्य पश्चिमका गुरुङ मगरहरुको बाहुल्यता रहेको बेलायतको गोर्खा ब्रिगेडमा भर्ती हुने आकर्षण भने नेपाली समुदायमा अझै छ। गोर्खालीहरुको बेलायती सेनामा भर्ती सुरु भएको दुई सय वर्षको ईतिहास बन्दै गर्दा बेलायतले भने नेपालबाट सेनामा नयाँ भर्ना लिने संख्यामा उल्लेख्य कटौती गर्दै आईरहेको छ। हाल बेलायती सेनामा झन्डै चार हजार गोर्खाली सैनिकहरु कार्यरत छन्। सेनाबाट अवकास प्राप्त हजारौँ गोर्खाली परिवारहरु बेलायतमा बसोबास गर्दै आएका छन्।
ON AIR
Gorkha Dail in sely
UP NEXT
Gorkha Bulletin
British Gurkha Media Network
Gorkha Sanchar Sahakari Sanstha Ltd
Gorkha Television